نظام تحديد المواقع ، الفوركس الروبوت -2- إعدادات ل حلقات

خسرنا الحرب في اليمن، عادي ...تقبلوا الهزيمة وهاردلك، فالحوثي مازال يقصف والرئيس اليمني مازال في جحره في الرياض.
عموماً الي استغربت منه هو برود ردة الفعل بين الناس، فمثلاً ردة الفعل الطبيعية هي ردة فعل مواطنين ارمينية عندما خسروا الحرب فخرجوا في الشوارع لضغط على الحكومة حتى تمت اقالة وزير الدفاع، او مثلاً عندما قتل اكثر من عشرين جندي تركي في ادلب احتجوا الاتراك وشاع بينهم الغضب.
اما عندنا فبعد الارواح التي زهقت والاطراف التي قطعت والبيوت التي يُتمت والصواريخ التي اعتدنا عليها فالغالب يفكرون في ماذا يأكلون او يشربون واذا قلت لهم استشعروا الخطر قالوا "وش تبي نسوي؟ نثور؟" لا تثور حبيبي، ابداً لا تثور لكن استشعر الغضب ابغى اشوفك تدخل علي وانت زعلان انك توك خسرت حرب زي ما تدخل علي زعلان على خسارة النصر وترسل لي مقاطع فيها مطالبات لإقالة المدرب وتطلع تغرد تسب سلطان الغنام في تويتر،
الزعل على خسارة الحرب اولى بكثير من انك تزعل على فريق كورة خسر، والمطلوب ليس ان تثور وتخرج بالشارع لا ابدا فالمطلوب هو استشعار الغضب فقط
قال الشافعي: "من استغضب فلم يغضب فهو حمار"

تمام بما إني على مشارف التلاتين, نصهم وبلا اي مبالغة عبارة عن مخططات للهجرة, مساعدة ناس في الهجرة والقراية عن كل ماهو خاص بالسفر سواء هجرة او سياحة حسيت اني جاهز اعمل البوستات دي بشكل صادق وعن تجربة عشان الناس تعرف كل جوانب الموضوع بشكل بعيد عن اي خيالات, طموحات غير حقيقية واولويات غير سليمة. بما ان الموضوع كبير شوية ولو عملت بوست واحد فيه كل شئ هيبقى صعب قرايته او التركيز فيه فا هعمله على كذا بوست.
اللجوء (الديني-الإنساني-السياسي):
اول شئ يعني ايه لجوء؟
اللجوء هو حق انساني بتكفله الامم المتحدة لحماية الاشخاص المهدده بالخطر, المحاكمة او الاضطهاد في اي حتة في العالم. فا انت بتروح لدولة تانية تحميك من الدولة بتاعتك قبل ماتإذيك او توقف اذيتك الفعلية, او تمنع عنك اعادة الاذية.
معناته ايه اني ابقى لاجئ؟

• اول شئ لما بتقدم على لجوء (اللي هنعرف بنقدم عليه ازاي ده بعدين) اول شئ بيحصلك ان الباسبور بتاعك بيتاخد وبيروح للإدارة المعنية فورآ, حالتك بتتغير من ايآ كانت اللي عليه لطالب لجوء وان اتقبلت تصبح لاجئ. الباسبور مش بيرجعلك وبيدوك وثيقة لجوء للتحرك بيها في البلد وخارجها.
• الحالة دي تديك صلاحيات وحقوق كتير وفي المقابل بيبقى عليها تقييدات و إلتزامات للمحافظة على حالة "لاجئ".
• انك تبقى لاجئ معناها ان بلدك الام مكان غير صالح ليك, او تحتاج منه الحماية وده معناه انك مينفعش ترجع بلدك او تخطي رجلك فيها (في أغلب الاحيان, بعض الاستثناءات موجوده ولكن محدودة جدآ) وده يعني اي شئ ليك في البلد الام يتطلب وجودك الجسدي في البلد دي, مش هتعرف تحققه (سواء مشاريع, اهل, ظروف, مناسبات) لمدة ممكن توصل ل5 سنين وفي حالات قاسية وصعبة وبلاد متعنته بتوصل لأكتر من كده. لما تنتقل من حالة الحماية لحالة المواطنة (وهي انك تاخد الجنسية من البلد اللي لجأتلها) ممكن ساعتها تقدر ترجع تباشر الحاجات دي.

هل انا استحق اللجوء؟
اكتر سؤال مهم بيتسأل ومبيتردش عليه صح او بما فيه الكفاية ازاي تستحق اللجوء؟ خلينا نراجع بسرعة يعني ايه لجوء.

اللجوء هو حق انساني بتكفله الامم المتحدة لحماية الاشخاص المهدده بالخطر, المحاكمة او الاضطهاد في اي حتة في العالم. فا انت بتروح لدولة تانية تحميك من الدولة بتاعتك قبل ماتإذيك او توقف اذيتك الفعلية, او تمنع عنك اعادة الاذية.

هنا لازم ناخد بالنا في إن الموضوع كله يتمحور حول الاذى, جسدي كان او معنوي (نفسي) والاذى كان كبير لدرجة انك عديت بمراحل طلب اللجوء واللي هي طويلة وقاسية ومعقدة. والموضوع هنا إثبات الاذى وتأكيد انك تستحق حماية دولية. بنتكلم في إثباتات حقيقية لا يمكن ابدا مناقشتها او الطعن في صحتها, جديتها او مدى تأثيرها على جودة حياتك. اثباتات موثقة. اجابة السؤال صعبة عشان طووووووووويلة, تختلف من لحالة لحالة والتفصيلة الواحدة تفرق.. خلينا نبص على نماذج متنوعة.
نموذج 1: انا شادي 25 سنة. انا ملحد, غير مقبول في مجتمعي, بيتريقوا عليا ويهددوني في الميديا, اهلي بيكرهوا الملحدين وطردوني من البيت وقاطعوني, صحابي قالولي هنضربك لو شوفناك ومش عايزين نعرفك تاني, محدش فاهمني ودايما حاسس بوحدة, إكتئاب وتعاسة ونفسي اعيش في مجتمع يتقبلني. انا عايز اموت نفسي..
شادي بالتأكيد هيترفض! اسمعني الاول, شادي قصته شبهي وشبهك واسبابه قوية جدآ انه يحاول يسيب البلد ويهج لإن دي جودة حياة هو يستحق افضل منها. ولكن هل دي حالة تستحق قبول طلب اللجوء؟
1- شادي معرفش يثبت اي ضرر حقيقي هو واقع عليه يستحق حماية حكومة وبلد اجنبية, لإنه بيتكلم عن مشاعره في الحياة وازاي ضرر نوع الحياة دي جسيم عليه وحياته ممكن تتحسن لو راح بلد احسن. ده كلام تقوله لدكتورك النفسي او خطيبتك او صاحبك الانتيم (بجد مش بهرج) ليه؟ لإنهم هيحاولوا يساعدوك تتغاضى عن مأساتك وتلاقي سبل للمعيشة او التغلب على إكتئابك.. او حتى مساعدتك ماديآ انك تمشي من البلد بشكل تاني غير اللجوء.
بس انت في الحالة دي بتكلم قاضي او موظف هجرة ولجوء! غير ان مهام وظيفته عدم الانحياز او التعاطف الاهوج, فا هو عدى عليه قبلك ممكن يكون بربع ساعة عيلة يمنية نصها مات في القصف, او لاجئ سوري خسر كل مايملك, او طالب اريتري مهدد بالقتل لو رجع بلده أو حتى مصري زيك بس محكوم عليه بحكم عسكري واسمه كان في التلفزيون. عايزك تحط نفسك مكان القاضي وهو بيسمع قصة شادي, وجاوب على نفسك.
2- شادي مقدمش اي اوراق ثبوتية تثبت اي اذى اتعرضله او هيتعرضله. يعني ايه اوراق ثبوتية لحالة شادي؟ يعني محاضر شرطة, جوابات تهديد, تقارير مستشفى رسمية (شرطة, جيش او حكومة) بتقول انه اتكسر او حياته كانت في خطر واثبات انه كان بسبب الدين, مقاطع مصورة للتعدي واثبات انه كان بسبب الدين. لو الاذى نفسي, فين العلاج النفسي اللي مشيت عليه وتقاريرك النفسية اللي تمتد لسنين (ايوة سنين) من دكتور نفسي من مكان موثوق؟ هل حاولت الانتحار (مره او اكثر) وتم انقاذك وعقابك عالمحاولة؟
نقول تاني ان ده قاضي او موظف لجوء بيعدي عليه حالات انسانية صعبة, ولكن برضه بيعدي عليه كمية نصابين غير مستحقين للحماية وبيحاولوا ينهبوا من الدولة وكلهم مدربين نفسهم على سيناريوهات وكمان مزورين ورق. هل شادي حياته فيها حاجة تتوثق بالشكل اللي قولت عليه؟ لو ايجابتك لا, شادي محصولش اي حاجة من دي ولا في اي دليل ان ممكن يحصله حاجة زي دي, يبقى شادي بيعمل ايه هنا يا بيه؟ انت طالب حماية حكومة اجنبية مش طلب بسيط.. اللي بعده!!
3- شادي حياته بنسبة كبيرة ماشية بشكل طبيعي يعني يقدر يشتغل, يشتري عربية, يأجر شقة, ياكل, يشرب, ولو اتسرق يقدم بلاغ ولو عايز علاج يكلم الاسعاف او يروح المستشفى, يقدر يتمشي في الشارع الساعة 3 الضهر ويرجع عالبيت. كل اللي انا قولته ده هو اول اشياء بيتم التفكير فيها من قبل اللي بيسمعك, حياتك متأثرة بأنهي شكل وازاي اللجوء هيحميك او هيضيفلك ايه؟ فا رأي الموظف هنا هيبقى قاسي وغير عاطفي بالمره وهيقولك شادي حياته ماشية عادي, هي بس مش عاجباه او حظه وحش فيها شوية.. مش مشكلتي. اللي بعده!!
4- شادي عنده رفاهية انه يحاول يحسن من حياته, يعني عنده اختيارات ممكن تخلي حياته مكان افضل او يقدر في يوم يسيب البلد شرعي بدون لجوء. يبقى شادي هناك ليه؟ مستعجل؟ مش مشكلتي. اللي بعده!!
5- شادي مش جزء من اقلية تتعرض للقتل, المحاكمة, التطهير العرقي او التهديد من قبل النظام..
مفيش قانون ضدك (إزدراء الاديان بيشمل كل الناس, حتى المسلمين نفسهم مش مخصوص ضد الإلحاد) مفيش مادة ضد الالحاد, مفيش محاكمات جماعية للملحدين, مفيش اقصاء للملحدين رسميآ من اي شئ.. انا وانت هنضحك عالجمل دي لإننا فاهمين اللي فيها, بس هو القاضي صاحبنا هنا في الصب ولا ايه؟
يعني مثلآ ليه الاخوان المسلمين مع انهم من المسلمين الاغلبية في مصر بيتقبل طلباتهم فورآ؟ لإن ببساطة رسميآ في اقصاء سياسي وخطر جسيدي وشيك هيحصلهم في بلدهم الام.. شادي لا يخضع لمثل هذا البند (رسميآ) ابدآ, هتفضل حقيقة لا يمكن اثبتها فقط لا غير.
نموذج 2: اهلآ انا داليا 25, اهلي بيجبروني على الحجاب, وبيضربوني, عاملنلي معاد في البيت 7 ده لو اصلآ خرجت مره في الشهر, ابويا بيهددني , انا عايشة في سجن..
قصة داليا قصة تعيسة كلنا عارفينها ونفسنا نتخلص من القصة دي او نهرب منها او نساعد اللي بنحبهم, ولكن مع ذلك...
طلب داليا احتمالية رفضه عالية جدآ إن مكانتش اكيده.. ليه؟
1- اوراق ثبوتية: في محاضر ضد اهلها؟ في تسجيلات او جوابات او دليل مادي لأذى جسدي محتمل؟ في شهود؟ في تسجيل للشهود؟ اوراق مستشفى حالة نفسية متأخرة مثبت سببها في التقارير انه بسبب اهلها, الخ...
2- اثبات ان الاذى هيلاحقها جوا البلد الام.. نقطة في غاية الاهمية. بما ان مشكلتك مش البلد كلها بل بعض الاشخاص فيها او مجموعة محدودة جدآ (وهي عيلتك) وده بيعرضلك لتحرش او خطر و انت عندك الاستعداد تحضر شنطتك وتسافر عبر القارات عشان تلجأ عندنا, هل سيادتك جربت تروح الاسكندرية, الاسماعيلية, المنصورة او اسوان؟؟ من الواضح انك معندكش مانع ترستر حياتك وتعيد من الاول, فا هل يا استاذة داليا فكرتي تشتغلي في محافظة تانية وتبعدي عن اهلك ولا الرسترة بتحلى عندنا بس؟ لازم يبقى في اثبات انها هربت من المحافظة او عالاقل حاولت الفرار واللجوء بالفعل, بس جوا البلد وتمت ملاحقتها! اللي بعده!!
3- داليا زي شادي, مش اقلية تتعرض لاضطهاد ممنهج اللجوء هيحله, دي قصة تقريبآ معظم بنات المنطقة! مش بس البلد, المنطقة بأكملها. واقع مرير ولكن دي مجرد بلد بتاخد لاجئين, مش حلالين مشاكل الدول, فرق كبير.
نموذج 3: انا هادي 25, مثلي وعايز اجي عندكوا (ايوة هي دي القصة كلها).
كونك مثلي ده سبب كافي لتقديمك على لجوء والحماية من دولة اسلامية, امال ايه مشكلة هادي؟
الاثبات! الاثبات هو اصعب شئ بيتعرضله المثليين لو محصلهمش اي ضرر بسبب مثليتهم قبل كده لإن ده بيبقى الشئ الوحيد اللي بيثبت انك فعلآ مثلي, حتى لو مش محتاج تتإذي الاول (زي بقيت الامثلة) لإن احتمالية اذيتك حتمية لإنك في حيز المضطهدين رسميآ وده المفروض يكون اسهل نوع لجوء, صح؟ لأ مش صح, هتثبت ازاي؟ من التسعينات وبدون مبالغة الناس بتعمل طلبات لجوء مزورة انهم مثليين بدون اي اوراق (غير انهم بيتصرفوا بشكل يوضح انهم مثليين بالتمثييل اللي اي حد ممكن يمثله) وده مش كافي ابدآ.
وبما ان الدولة معندهاش آلية للإعتراف بمثليين الجنس (وده صلب المشكلة) محدش هيعرف يثبتلك هويتك الجنسية هنا إلا في حالة انك اتعرضت لأذى تم توثيقه بسبب ميلوك وساعتها طلبك مقبول بسهولة, ولكن بدون اثبات؟ هيقولك برضه, اللي بعده!!
كل دي امثلة تبانلك انها هتساعدك في اللجوء لإنها امثلة حقيقية, وكلها معاناه وفي واقع اكثر عدلآ تستحق اللجوء بالفعل, ولكن النظام مش كده واللجوء معمول لناس تانية خالص.
نموذج 4: انا بيتر 25, انا مسيحي, وخايف جدآ بعد مافجروا كنيستي وقتلوا القس في اسكندرية, ودبحوا الست في الصعيد, وضربوا صاحبي في الشارع.
بيتر, طلبه مش هيتقبل.
1- مفيش ولا اي حاجة من دي حصلت لبيتر نفسه
2- المسيحيين محميين رسميآ من جميع الهيئات, ولها ممثل عملاق وهو الكنيسة فا هما مش اقلية مضطهدة في 2022 (كانوا في فترة من الفترات للعلم وخصوصآ في حكم الاخوان لإنه اسلامي تم إعتبارهم اقلية تحت خطر مؤقتآ)
3- كل الجرايم ضد المسيحيين الدولة بتتصدى ليها, والمجرمين بيتقبض عليهم او بيتأمن عالكنايس اكتر بعدها, يعني مفيش تخاذل من الحكومة يستحق الحماية منه.
نموذج 5: انا جون 25, ضربوني في الشارع عشان انا مسيحي, وعايز اجي هنا.
طلب جون بيعتمد على حياته بعد الإعتداء, مجهود الشرطة (او تواطئها) مع المتهمين, هل في تهديدات بالمثل ولا لا, هل سافر جوا البلد والناس دي جريت وراه ولا لأأ؟ دي قضية نسبتها مش عالية في القبول ولكن مش منعدمة, هل هتقدر تتحمل عواقب الرفض على نسبة ضعيفة؟؟ القرار يرجعلك وبنسبة تسعين في المية ايجابتك هتكون لا.
طب مين اخد لجوء يابو اخناتون؟
امثلة نعرفها: سارة حجازي, احمد عماد, احمد حرقان.
شريف جابر لو عرف يحط رجله ثانية واحدة بس بره البلد هياخد اللجوء على الفور وقضيته مش هتاخد اي وقت. كلنا عارفين ليه.
تمام, انا جاهز اقدم على لجوء, انا استحقه وهاخده وعندي قضية مضمونة تستحق الحماية الاجنبية, اعمل ايه؟
اول شئ ذاكر كويس جدآ البلد اللي انت رايحلها, ريسرش كل شئ عن اللجوء, حماية اللاجئين, وعدم ترحيلهم قصريآ لأي سبب.
تقدر تقدم على لجوء من خلال طريقتين, واحدة شبه مضمونة ان حالتك هيتم النظر فيها, وواحدة بسبب طبيعتها ممكن تسببلك مشاكل في انك تدخل بلد اللجوء من الاساس! الطريقة الاولى هي تقديم اللجوء في البلد نفسها, فيزا سياحة او عمل او ايآ كان (عشان كده احنا بيطلع عين اهالينا عشان ناخد فيزات بلاد اجنبية) والطريقة الثانية هي تقديم طلب اللجوء في سفارة الدول خارج بلدك الام.
الطريقة الثانية (عن طريق السفارات) تستوجب ان قضيتك تبقى هارد كور طراز اول, منتهى الخطورة, وإن البلد المستضيف (اللي انت بتقدم منها) مش بتقدم حماية كافية او عندها نفس المشكلة اصلآ وإلا سيتم وضعك على قائمة السفارة دي ومش هتتقبل في اي فيزا منها للابد او لسنين طويلة!
لو قضيتك ملعبكة (ولكن حقيقية) اعمل حسابك انك هتحتاج محامي شاطر عشان تأمن على فرصتك وانك متبوظش قضيتك بسبب انك مش عارف توصلها او تقدم ورقها. في بعض البلدان ممكن يقدمولك محامي بنفسهم, بس هيبقى معاه ألف حالة غيرك ومش مركز معاك وممكن اصلآ يبوظلك القضية او يخليها تاخد وقت طويل عالفاضي.
لو ورقك شارح نفسه او حالتك قضية رأي عام, محامي الهجرة هيبقى نصابية فا خلي بالك.
هيحصلي ايه لو قدمت على لجوء واترفضت؟
اكبر خسارة..
في معظم الحالات هترجع مترحل, في بعض الحالات هيتعاطفوا معاك ويقولولك ارجع بتذكرة على حسابك في خلال كام يوم.
ايه الفرق؟ لو رجعت بتذكرة بلدك مش هتعرف اللي حصل وهتروح تكمل حياتك عادي وممكن كمان بعد كام سنة تعرف تقدم انك تدخل البلد تاني (لو وضعك اتغير) انما الترحيل اجراء رسمي وبنسبة كبيرة بلدك بيبقى عندها إخطار بالمترحلين, اهلآ بيك في الاستجواب والمنع من السفر يا برو.
والاكيد انك مش هتدخل البلد دي تاني, ولو في اي اتفاقيات مابين البلدان لمشاركة المعلومات, هتتحرم من دخول البلاد دي كمان بإنهم هيرفضوك كل مره تيجي تقدم على اي فيزا. زي الخمس بلاد دول (كندا, استراليا, نيوزلندا, انجلترا, امريكا), لو اترفضت من بلد فيهم, الباقي هيديك نفس المعاملة بإتفاقية رسمية اسمها The Five Country Conference وطبعآ الإتحاد الاوروبي كمان مفتوح على بعضه (دي النقطة اصلا من ان يبقى في اتحاد اوروبي).
من الآخر, السفر للجوء معمول لفئة معينة, وحالات معينة, وزمان كانت الامور اسهل لإن اللي كان عندهم علم بيه اقل بكتير في العدد وعرفوا يظبطوا ورقهم (حتى لو مفبرك) وياخدوا لجوء غير مستحق. مع الازمات الانسانية الطاحنة والحروب الجارية وانفجار عدد اللاجئين وسوء جودة الحريات في الشرق الاوسط, اللجوء بقى اكبر هم عند الدول دي والحصول عليه محتاجك تبقى فعلآ تستحقه عشان يبقى ليك اي فرصة انك فعلآ تقدم عليه.
لو متستحقش اللجوء, دور على طريقة تانية, ابوس رجليك..
احنا مفشوخين في السفارات بسبب طلبات اللجوء الكاذبة والناس اللي كانت فاكراها (سلامو عليكو انا عايز الجأ عنديكم) وفي الآخر مصر اتحطت على لستة. ده حصل في كل دول اوروبا وحصل في كوريا الجنوبية لما كانت فاتحة الدخول بدون فيزا لدرجة ان نص طالبي اللجوء كانوا مصريين الجنسية وحالات عدم الاستحقاق كانت كتيرة وده اضطرهم لقفل البلد ولما الفيزا رجعت دلوقتي بقت طلباتها اصعب من الشنجن! انا عارف ان ناس كتيرة مش فارق معاهم بس افتكر ان اللجوء معمول للناس اللي فعليآ مضرورة ومحتاجاه, فا لو مش محتاجه متحاولش لإنك هتضر نفسك ضرر كبير وكمان هتضر المتقدمين بحق.
وبس كده.
بقيت البوستات هتنزل على فترات لإن زي مانتوا شايفين البوست الواحد بياخد مجهود ووقت فا استنوا عليا.
شكرآ.